بەپێی ڕاپۆرتی پەیوەندییە گشتییەکانی زانکۆی کوردستان، ڕۆژی چوارشەممە ١ی ڕێبەندانی ١٤٠٤، لە چەند کۆبوونەوەیەکی جیاوازدا بە ئامادەبوونی جێگری فێرکاری، بەڕێوەبەری ناوەندی فێرکارییە ئازاد و ئەلیکترۆنییەکان، بەڕێوەبەرانی بەشە زانستییەکان و کارناسانی پەیوەندیدار، هەماهەنگی و گۆڕینەوەی ڕا بۆ بەڕێوەبردنی تاقیکردنەوەکانی کۆتایی نیوەساڵی یەکەمی ساڵی خوێندنی ١٤٠٤-١٤٠٥ ئەنجام درا.

دکتۆر محەمەد ڕەزاقی، جێگری فێرکاریی زانکۆ، ئامادەیی ژێرخانەکان و چارەسەرکردنی کێشەکانی سیستەمی فێرکاریی مەجازیی بۆ هەرچی باشتر بەڕێوەچوونی تاقیکردنەوەکانی کۆتایی نیوەساڵ ڕاگەیاند.

شایانی باسە بەپێی ڕێنمایییەکانی وەزارەتی زانست، توێژینەوە و تەکنەلۆژیا، سەرجەم تاقیکردنەوەکانی قۆناغی کارناسی بە شێوەی ناڕاستەوخۆ (ئۆنلاین) و لە ڕێگەی سیستەمی فێرکاریی مەجازیی زانکۆوە بەڕێوە دەچن. تاقیکردنەوەکانی قۆناغەکانی خوێندنی باڵا (ماستەر و دکتۆرا) بە شێوەی ڕاستەوخۆ (حوزووری) و بەپێی ئەو خشتەیەی لە سیستەمی گوڵستاندا تۆمار کراوە، ئەنجام دەدرێن.

خوێندکارانی خۆشەویست دەتوانن بۆ وەڵامدانەوەی هەر چەشنە گومان و پرسیارێک، سەردانی سیستەمی وەڵامدانەوەی ئۆنلاینی کارناسانی زانکۆ (Goftino) بکەن. ئەم سیستەمە لە ڕێگەی ئەو ئامرازەی لە لای ڕاستی خوارەوەی ماڵپەڕی سەرەکیی زانکۆ و هەروەها سیستەمی فێرکاریی مەجازی داندراوە، لەبەردەستدایە.