داتا نوێیەکانی بنکەی نیشتمانیی زانستی ئێران (بنیاد ملی علم ایران) دەریدەخەن کە زانکۆی کوردستان لە ساڵی ١٤٠٤دا گەشەیەکی بەرچاوی لە ڕێژەی وەرگرتنی پڕۆژە توێژینەوەییە پەسندکراوەکانی ئەم بنکەیەدا تۆمار کردووە. بەپێی ئەم ئامارانە، ژمارەی پڕۆژە پەسندکراوەکانی زانکۆی کوردستان بە گەشەیەکی ٢٠٠٪ی، لە ٩ پڕۆژەوە لە ساڵی ١٤٠٣ بۆ ٢٧ پڕۆژە لە دە مانگی یەکەمی ساڵی ١٤٠٤دا بەرزبووەتەوە. ئەم گەشەسەندنە بە شێوەیەکی بەرچاو لە تێکڕای وڵات (٣٢٪) زیاترە. هەروەها، ژمارەی پڕۆژە پێشکەشکراوەکانی ئەم زانکۆیە بە زیادبوونێکی ١٩٧٪ی، لە ٣٣ پڕۆژەوە گەیشتووەتە ٩٨ پڕۆژە. ئەم دەستکەوتانە نیشانەی گەشەی چەندایەتی و چۆنایەتی چالاکییە زانستییەکان، کاریگەریی ستراتیژییە توێژینەوەییەکان و توانای بەرزی ئەندامانی دەستەی زانستیی زانکۆی کوردستانە.