دامەزراوەی ISC ساڵانە توێژەرانی پڕستایشی ئێرانی لە بوارە جیاجیاکانی زانستە مرۆییەکان، زانستە کۆمەڵایەتییەکان، هونەر و تەلارسازی دەستنیشان دەکات. لە لیستی ساڵی ١٤٠٤دا، ٥٥٧ توێژەر لە ١٦ بواری جیاوازدا ناسێنراون، کە نیشاندەری گەشە و چالاکیی توێژینەوەی وڵاتە.

سەرکەوتنی سێ مامۆستای زانکۆی کوردستان لەم پێشبڕکێیە زانستییەدا، نەک هەر نیشاندەری ئاستی بەرزی بەرهەمهێنانی زانستی و کوالیتی توێژینەوەکانی ئەم زانکۆیەیە، بەڵکوو پێگەی زانکۆی کوردستان لە نەخشەی زانستیی وڵاتدا جێگیرتر دەکات. ئەم توێژەرانە بریتین لە: دکتۆر ئومید قادرزادە لە بواری کۆمەڵناسی و زانستە سیاسییەکان، دکتۆر جەلیل فەتحی لە بواری زمان و زمانەوانی و دکتۆر داوود جەمینی لە بواری زانستە جوگرافییەکان و زانستە کۆمەڵایەتییەکان.

شایانی باسە وردەکاریی تەواوی ئەم لیستە و زانیارییەکانی پەیوەست بە هەر توێژەرێک، لە ڕێگەی ماڵپەڕی ISC بە ناونیشانی hcr.isc.ac لەبەردەستدایە.