بەپێی ڕاپۆرتی بەڕێوەبەرایەتیی کاروباری نێودەوڵەتی، ئەنجامە نوێکانی ڕیزبەندیی بابەتەییی جیهانیی شانگهای (ShanghaiRanking's Global Ranking of Academic Subjects - GRAS) بۆ ساڵی ٢٠٢٥ بڵاوکرایەوە و زانکۆی کوردستان ناوی خۆی لە لیستی سەرکەوتووەکانی جیهاندا تۆمار کرد. ئەم ڕیزبەندییە، کە لەسەر بنەمای پێوەرە وردەکانی ئەدای توێژینەوە، لەوانە کوالێتی و چەندایەتیی وتارەکان، ئاماژە زانستییەکان (سایتەیشن) و هاوکارییە نێودەوڵەتییەکان هەڵسەنگاندنی بۆ دەکرێت، سەرچاوەیەکی باوەڕپێکراوە بۆ پێوانەکردنی متمانەی زانکۆکان لەسەر ئاستی جیهان.

دۆخی زانکۆی کوردستان لە GRAS 2025دا:

• زانکۆی کوردستان لەم خولەدا، لە بەشی ئەندازیاریی کارەبا و ئەلیکترۆنیک (Electrical & Electronic Engineering) لە مەودای ڕیزبەندیی ٤٠١ تا ٥٠٠ لە نێوان زانکۆکانی جیهاندا جێگیر بوو.

• ئەم زانکۆیە بە قرارگرتنی لەم مەودایەدا، توانی پێگەی چوارەمی وڵات لە نێوان ئەو زانکۆ ئێرانییانەی کە لەم بابەتە پسپۆڕییەدا ڕیزبەند کراون، بەدەست بهێنێت.

 ئاسۆی گەشەکردنی زانستی و توێژینەوەیی

ئامادەبوونی بەردەوامی زانکۆی کوردستان لە ڕیزبەندییە باوەڕپێکراوە جیهانییەکانی وەک شانگهای، بەدەر لە گۆڕانکارییەکانی نمرەی ڕیزبەندی لە ساڵە جیاوازەکاندا، نیشاندەری توانای بەرزی توێژینەوەیی و زەرفیەتە زانستییە بەردەستەکانی ئەم زانکۆیەیە.

ئەم دەستکەوتە، گرنگیی وەبەرهێنان لە بوارە سەرەکییەکانی توێژینەوە وەک ئەندازیاریی کارەبا و ئەلیکترۆنیک زیاتر دەردەخات و وەک پێوەرێکی گرنگ بۆ پلانڕێژییەکانی داهاتوو لە پێناو باشترکردنی ئەدای توێژینەوەیی لەسەر ئاستی نێودەوڵەتی بە هەند وەردەگیرێت.